شعرك بيقع .. الحقى نفسك بسرعة
من 9 شهور بالظبط شعرى ابتدى يقع بطريقة فظيعة من الجدر بطولة مش متقصف حتى
اتجننت مبقتش عارفة اعمل اية ومنظر الشعر فى المشط يخوف جدا من كتر الكمية .. كنت ببقا قاعدة عادى الاقى الكم بتاع البلوزة مليان شعر وواقع بطولة بصراحة خفت جدااا وانا بطبعى مش بحب اروح
لدكاترة فمرحتش اكشف .. رحت قولت خلاص هجيب شامبوه غالى جدا وبالفعل جبت شامبو سعرة فوق ال 250 ج براند المانى كان ومعملش اى حاجة لغاية ما خلص .. بردو ميئستش وقولت هخلى الكشف عند الدكتور اخر ما اغلب ..
عملت اة بقا قولت هقعد على النت واجمع شوية وصفات وماسكات واجرب كذا حاجة واللى يجيب نتيجة معايا استمر علية ..
واخيرا اتوصلت لحاجة جابت معايا نتيجة كويسة بعد 3 شهور بالظبط خدو بالكم اى علاج سواء للبشرة او الجلد نتيجتة مش بتظهر قبل ال 3 شهور تمام.
الوصفة #
ثلاث معالق كبيرة زيت خروع
ثلاث معالق كبيرة زيت زيتون بكر
ثلاث معالق كبيرة زيت جرجير
معلقة كبيرة زيت ثوم
معلقة كبيرة زيت جوزالهند
معلقة كبيرة زيت ليمون
هاتى طاسة صغيرة وحطى فيها الخليط وسبيهم ع نار هادية لغاية ما يمتزجو بس اوعى تسبية يتقدح خدى بالك
..بعد كدة حطية ف ازازة ازاز او بلاستك عادى
ى بالك الكمية دى هتعملى بيها كذا مرة مش مرة واحدة ..
..الطريقة #
اول حاجة شعرك يبقا مغسول بالشامبو ونضيف عشان الفروة تبقا نضيفة ومفهاش اى قشور ولا زيوت
بعد ما تغسلى شعرك هاتى بقا الزيت وحطى بقطارة جوة الفروة بالتوزيع المتساوى وبعدين باطرف صوابعك مش بضوافرك خلى بالك اعملى للفروة مساج عشان تتشرب ..بعد كدة حطى بونية ولفية بفوطة واقعدى 4 ساعات بس خلى بالك متناميش بية بيكتم المسامات ويضعف الفروة لما عدد الساعات بيزيد عن 5 ساعات
تمام بعد كدة اغسلية بالشامبو و اشطفية بميا وخلللللل لازم خل عشان ميبقاش شعرك مزيت عشان الفروة تنضف كويس من الزيت وميلبكش ..
بس كدة وادعيلى 😉
خدى بالك
الزيوت دى بتتجاب من عطار مضمون الازازة الصغيرة ب 10 ج تقريبا وتكفى كتير ..
خدى بالك زيت جوزالهند عشان تعرفية ان اصلى ولا لاء بيبقا مجمد زى الشمع كدة ولونة ابيض
خدى بالك زيت الزتون هاتى البكر مش الل علية روايح عطرية
خدى بالك وكل مرة تيجى تستخدمى خليط الزيوت دة تدفية فى حمام مائى عشان يمتزج ..
الحقى نفسك بسرعة وعالجى شعرك
دة شعر المرأة تاجها
تعليقات
إرسال تعليق